İlham Əliyevlə Paşinyan arasında yeni görüş gözlənilir - Qriqoryan

Azərbaycan Prezidenti İlham Əliyevlə Ermənistan baş naziri Nikol Paşinyan arasında  yeni görüş gözlənilir.

Ölkə.Az xəbər verir ki, bunu Ermənistanın Təhlükəsizlik Şurasının katibi Armen Qriqoryan deyib.

"İki ölkə lideri arasında yeni görüşün baş tutması ilə bağlı müzakirələr gedir, lakin yekun qərar yoxdur. Bu, baş verəndə sizə xəbər verəcəyik",- Qriqoryan deyib.

Sülh sazişinin hazırlanmasına gəlincə, Qriqoryan bildirib ki, yanvarın əvvəlində göndərilən təkliflərə Bakıdan cavab gəlib. 

Təhlükəsizlik Şurasının katibi qeyd edib ki, Ermənistan işi davam etdirir və düşünür ki, bu məsələ xarici işlər nazirlərinin görüşündə müzakirə olunacaq.

Mürtəza
Ölkə.Az