"Erməni soyqırımı iddiası"na ağır zərbə

Avropada "Erməni soyqırımı yoxdur, yalandır" deməyə görə cəza verilməyəcək

"Vətən Partiyası"nın rəhbəri Doğu Perinçek Avropa İnsan Hüquqları Məhkəməsində "Erməni soyqırımı" ilə bağlı məhkəməni qazanıb. Bu qərardan sonra "Erməni soyqırımı" iddialarını rədd etmək təqsir sayılmayacaq. Avropa İnsan Hüquqları Məhkəməsinin verdiyi bu qərar 42 Avropa birliyi ölkəsində keçərlidir. Məhkəmənin qərarı ilə "Erməni soyqırımı iddiası" Yəhudi soyqırımı ilə bənzədilə bilməz.

Doğu Perinçekin qazandığı bu mühüm məhkəməni politoloq Zərdüşt Əlizadə Ölkə.Az-a şərh edib:

""Vətən Partiyası"nın rəhbəri Doğu Perinçeki İsveçrədə "Erməni soyqırımı" yalan və böhtandır dediyi üçün saxlamışdılar. Ancaq onu tez bir zamanda da buraxdılar. Sonradan Doğu Perinçek məhkəmə qarşısında iddia qaldırdı ki, onun ifadə azadlığını pozublar. O cümlədən, Avropa məhkəməsi bu məsələni təsdiqlədi ki, onun ifadə azadlığı var. Nəhayət, məhkəmə qərar verdi ki, "erməni soqırımı"nı inkar etmək məsuliyyət daşımır.

Məhkəmə soyqırımın olmadığını deməyib, məhkəmə bildirib ki, soyqırım hüquqi baxımdan təsdiqlənməyib. Məhkəmə düz qərar çıxarıb ki, "Erməni soyqırımı"nı Yəhudi soyqırımı ilə müqayisə etmək olmaz. Yəhudi soyqırımı beynəlxalq məhkəmənin qərarı ilə təsdiq edilmiş faktdır. "Erməni soyqırımı" hansısa beynəlxalq məhkəmə tərəfindən təsdiqlənməmiş bir şeydir. Bu məhkəmə qərarını bəyənirəm və məhkəmə tam haqlıdır".

Qeyd edək ki, "Vətən Partiyası"nın rəhbəri Doğu Perinçek 2005-ci ildə İsveçrədə konfransda "Ermeni soykırımı emperyalist bir yalandır" deməsinə görə saxlanılmışdı. 2013-cü ildə isə İsveçrədə məhkəmə qərarıyla həbs edilmişdir.

Səxavət Məmməd
Ölkə.Az