Paşinyan Misirdə nələri müzakirə edib...

Ermənistanın baş naziri Nikol Paşinyanın Misirə rəsmi səfəri davam edir. O, səfər çərçivəsində Misirin baş naziri Mustafa Madbouli ilə görüşüb.

Ölkə.Az xəbər verir ki, görüşdə Ermənistan və Misir arasında əməkdaşlığın çoxsahəli fəaliyyətinin vacibliyi vurğulanıb. 

Paşinyan ümidvar olduğunu bildirib ki, rəsmi səfəri nəticəsində mükəmməl ikitərəfli siyasi əlaqələrlə yanaşı, iqtisadi əməkdaşlıq da dərinləşəcək. O bu baxımdan misirli iş adamları ilə görüşün əhəmiyyətini vurğulayıb. 

Mustafa Madbouli İrəvandakı meydanlardan birinə Misirin adının verilməsinə görə Ermənistan tərəfinə təşəkkür edib və əlavə edib ki, Misir tərəfi paytaxtdakı meydanlardan birinə Ermənistanın şərəfinə ad verəcək.

Tərəflər yaxın aylarda hökumətlərarası komissiyanın iclasının və Ermənistan-Misir biznes forumunun keçirilməsi barədə razılıq əldə olunub.

Mürtəza
Ölkə.Az