Ağ Evlə Ankara arasında kritik görüş - Mühüm detallar

Ağ Evlə Ankara ilə Suriya və Rusiya kimi məsələlərdə köklü fikir ayrılıqlarını aradan qaldırmaq  üçün hərtərəfli danışıqlara hazırlaşır. 

Ölkə.Az xəbər verir ki, Ağ Evlə Ankara istər ikitərəfli, istərsə də qlobal və regional məsələləri müzakirə etmək üçün Türkiyə xarici işlər naziri Hakan Fidan hazırda Vaşinqtonda rəsmi səfərdədir.

Səfər çərçivəsində bu gün Vaşinqtonda Türkiyə-ABŞ Strateji Çərçivə adlandırılan danışıqlar  formatında keçirilən toplantıda ABŞ dövlət katibi Antoni Blinkenlə Türkiyənin xarici işlər naziri Hakan Fidan arasında görüşü baş tutacaq. Dövlət Departamentində keçiriləcək görüşdə ABŞ və Türkiyənin yüksək səviyyəli rəsmiləri Suriya, Rusiyanın Ukraynaya müdaxiləsi, müdafiə sahəsində əməkdaşlıq, enerji, terrorla mübarizə və İsrailin HƏMAS-la müharibəsini əhatə edən mövzular ətrafında müzakirələr aparılacaq. Müzakirələrin bir neçə raunddan ibarət olacağı gözlənilir. 

Qeyd edək ki, ABŞ və Türkiyə arasındakı əlaqələr son illərdə iki uzunmüddətli NATO müttəfiqi arasında fikir ayrılıqlarının güclənməsi ilə strateji tərəfdaşlıqdan uzaqlaşıb. İndi tərəflər iki ölkə arasındakı yaranmış münasibətlərin aradan qalıdırıb əməkdaşlıq münasibətlərini yenidən əvvəlki səviyyədə təmin etmək istəyirlər. Keçiriləcək görüşlər də buna xidmət edir.

Onu da xatırlamaq yerinə düşər ki, Ukrayna prezidenti Volodimir Zelenski bu gün Ankarada səfərdə olacaq və Türkiyə prezidenti Rəcəb Tayyib Ərdoğanla görüşəcək. Hakan Fidanın Vaşintona səfəri fonunda Zelenskinin Ankaraya səfəri heç də təsadüfi xarakter daşımır.

Mürtəza
Ölkə.az