Artım əsasən qeyri-neft sektoru hesabına olub - Spiker
Ötən il Azərbaycanda 123 milyard həcmində ümumi daxili məhsul (ÜDM) istehsal olunub.
Ölkə.Az xəbər verir ki, bunu Milli Məclisin sədri Sahibə Qafarova hökumətin hesabatı zamanı deyib.
Onun sözlərinə görə, bu da ötən illə müqayisədə 1,1 faiz çoxdur. “Müsbət cəhət ondan ibarətdir ki, ÜDM artımı əsasən qeyri-neft sektoru hesabına baş verib”, - o qeyd edib.
Spiker əlavə edib ki, ötən ildə strateji valyuta ehtiyatı 17 faiz artaraq 68 milyrad dollar təşkil edib. “Təkcə ötən il işğaldan azad olunan ərazilərin bərpasına 5,6 milyard manat, son 3 ildə isə 12 milyard manatdan artıq vəsait xərclənib. Ümumiyyətlə, ölkənin resursları qarşıda duran vəzifələri yerinə yetirməyə imkan verir”, - spiker qeyd edib.
Mürtəza
Ölkə.Az
