Baş nazirdən deputatları narahat edən problem haqda HESABAT

Ölkədə ərzaq təhlükəsizliyinin təmin edilməsi, əsas ərzaq məhsulları ilə özünütəminetmə səviyyəsinin yüksəldilməsi, idxaldan asılılıq səviyyəsinin azaldılması, hökumətin gündəliyində duran əsas vəzifələrdən biridir.

Ölkə.Az xəbər verir ki, bunu baş nazir Əli Əsədov parlamentdə çıxışı zamanı bildirib. 

“Kənd təsərrüfatı məhsulları istehsalçılarına maliyyə dəstəyi olaraq ərzaq təhlükəsizliyinin təmin edilməsi üçün 478 mln. manat vəsait ayrılıb.

1 yanvar 2024-cü ildən kənd təsərrüfatı sahəsi üzrə vergi güzəştlərinin vaxtı daha 3 il müddətinə uzadılıb”.

Baş nazir onu da əlavə edib ki, deputatları narahat edən pay torpaqları üzərində mülkiyyət hüquqlarının rəsmiləşdirilməsi üzrə problemlərin həlli ilə bağlı mülkiyyət sənədləri almayan vətəndaşlardan 53 min 516 nəfərin müraciəti daxil olub və onlardan 47 min 509 müraciət üzrə (90%) dövlət qeydiyyatı aparılmış və mülkiyyət sənədləri verilib.

Mürtəza
Ölkə.Az