Bu, Ermənistana ciddi zərbə vuracaq - Zaxarova 

“Mir” kartlarından imtina Ermənistan iqtisadiyyatına ciddi zərbə vuracaq.

Ölkə.Az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova  deyib.

“Ölkə iqtisadiyyatı ciddi itkilərə məruz qalacaq. Ölkə vətəndaşları ciddi narahatlıqlarla üzləşəcək, Rusiya Federasiyasında işləyən ermənilər üçün vətənlərinə pul köçürmələri çətinləşəcək, turistlər kartla ödəmə imkanını da itirəcəklər. Xatırladıram ki, keçən il onların sayı milyon nəfəri ötüb", - Zaxarova qeyd edib.

O əlavə edib ki, bunun Ermənistan iqtisadiyyatına necə zərbə vuracağına dair başqa nümunələr də var. "Əminəm ki, bu addımın bədəli Qərbin məhdudiyyətlərinin hipotetik zərərindən qat-qat çoxdur”, - Zaxarova bildirib.

Mürtəza
Ölkə.Az