Qərbin İrəvan-Tehran münasibətlərinə cavabı... - Qriqoryan açıqladı

“Biz İranla əlaqələrimizi çox yüksək qiymətləndiririk. İranla münasibətlərimiz o mənada strateji xarakter daşıyır. Çətin müzakirələr nəticəsində çox güclü əlaqələr qura bilmişik".

Ölkə.Az xəbər verir ki, bunu Ermənistan Təhlükəsizlik Şurasının katibi Armen Qriqoryan deyib.
Qərbin İrana qarşı sanksiyaları fonunda əməkdaşlıq məsələsinə gəldikdə Qriqoryan deyib ki, Ermənistan sanksiyalara tam əməl edir: "Bunu qeyd etmək çox vacibdir, lakin biz İranla da işləyirik. Biz İranla işləməyə və əlaqələrimizi inkişaf etdirməyə davam edəcəyik”. 

Ermənistanın Qərblə münasibətlərinin yaxınlaşmasının İrana qarşı yönəlmiş addım olduğu barədə səslənən fikirlərə gəldikdə Qriqoryan deyib ki, İranla bütün mövcud məsələləri yüksək səviyyədə müzakirə edirlər: "İran hər hansı məsələni qaldıranda biz onu həll etməyə çalışırıq. Bir çox hallarda Ermənistan və İranın maraqları strateji xarakter daşıyır". 

"Ermənistan-Qərb münasibətlərinin dərinləşməsinin İrana zərər vura bilməyəcəyi və Ermənistan-İran münasibətlərinə təsir edə bilməyəcəyi barədə anlayış varmı" sualına cavab verən Qriqoryan deyib: "Biz hər iki tərəflə danışırıq. "Ermənistan-Avropa İttifaqı, Ermənistan-ABŞ münasibətləri bir istiqamətdirsə, Ermənistan-İran əlaqələri başqa istiqamətdir. Düşünürəm ki, hər iki tərəfdə Ermənistanın bu mövqeyində anlayış var”.

Mürtəza
Ölkə.Az