Ruslan İzzətli: “Seçicilər Hüseynbala Mirələmovu çıraqla axtarır”

Ruslan İzzətlinin Seçki Qərargahından verilən məlumata görə, 33 saylı Xətai birinci seçki dairəsindən deputatlığa namizəd, D18 hərəkatının lideri Ruslan İzzətli növbəti dəfə seçicilərlə görüş keçirib.

Ölkə.Az xəbər verir ki, dairədə yaşayan sakinlərlə görüşən gənc namizəd əhalinin problemlərini bir-bir dinləyib.

“33 saylı Xətai birinci seçki dairəsində qapı-qapı görüşlərim davam edir. M. Hadi küçəsində Seçki Qərargahımın üzvləri evlərə seçki matriallarımızı verdi, materialların evlərə çatdırılması kampaniyası davam edir. Namizəd olaraq özüm seçiçilərimlə görüşürəm, problemlərini dinləyirəm. Hər bir seçicimə də söz vermişəm ki, hakimiyyət mənim Parlamentə düşməyimin qarşısını alsa da, mən sizin vəkiliniz olub hər zaman sizi dinləməyə gələcəm. Hər bir görüşdüyüm seçicimə şəxsi telefon nömrəmi də verirəm ki, istədiyi zaman problemini mənə deyə bilər, komandamla çalışacam o problemin həlli yönündə addımlar atım. 10 ildir dairənin "seçilmiş" millət vəkili Hüseynbala Mirələmovu seçicilər çıraqla axtarır. Amma, seçicinin qarşısına çıxmaq cəsarəti yoxdur. Yalnız müəyyənləşmiş yerlərdə dövlət idarələrində çalışan şəxslərlə görüşür”, -deyə Ruslan İzzətli vurğulayıb.