Elmar Məmmədyarov: Prezidentlərin görüşü ilə bağlı tələsmək lazım deyil
ATƏT-in Minsk qrupunun həmsədrləri gələn həftə regiona səfər edəcəklər.
Ölkə.Az APA-ya istinadən xəbər verir ki, bunu Azərbaycan xarici işlər naziri Elmar Məmmədyarov Kosta-Rika xarici işlər naziri Manuel Qonzales Sanzla görüşdən sonra keçirilən mətbuat konfransında deyib.
O bildirib ki, həmsədrlər oktyabrın 26-da İrəvanda olacaqlar.
“Ayın 28-də isə Azərbaycanda olacaqlar. Prezidentlərin görüşünün yeri və tarixi ilə bağlı tələsmək lazım deyil. Həmsədrlər gəlsinlər. İki yol var: ya prezidentlər görüş yerini seçəcəklər, ya da həmsədrlər təkliflə gələcəklər. Bütün hallarda həmsədrlərin regiona səfərini gözləyirik və bunu müzakirə edəcəyik”.
Nazir Serbiyada ATƏT-in Nazirləri Şurasının iclasında Azərbaycanın da iştirak edəcəyini təsdiqləyib.
Ölkə.Az