Paşinyanın istədiyi olmadı, daşla qaya arasında qalıblar

"Brüssel görüşündə danışıqlar istənilən məcrada getməyib. İrəvanın qarşısında daha ciddi şərtlər qoyulub və Ermənistan da bunun öhdəsindən gələ bilməyəcəyini anlayıb. Ona görə də lazımi səviyyədə maliyyə vəsaiti ayrılmayıb".

Ölkə.Az xəbər verir ki, bunu erməni deputat Artur Xaçatryan deyib.

Onun sözlərinə görə, Aİ və ABŞ-nin Ermənistana vəd etdiyi məbləğ avroya çevrilərsə, ildə 80 milyon avrodan azdır ki, bu da bu hakimiyyətin Brüsselə getməzdən əvvəl vəd etdiyi iqtisadi bumu təmin etmək üçün əhəmiyyətsizdir. 

“Ona görə də düşünürəm ki, nəsə səhv olub. Düşünürəm ki, Ermənistan qarşısında daha yüksək şərtlər qoyulub və Ermənistan vəziyyəti dəyərləndirərək yəqin ki, onun öhdəsindən gələ bilməyəcəyini anlayıb. Paşinyanın apardığı siyasət nəticəsində daşla qaya arasında qalmışıq”, - deputat qeyd edib.

Mürtəza
Ölkə.Az