Rüstəmyan: Azərbaycan dəqiq plan hazırlayıb - Ermənilər təşvişdə

Azərbaycan regionda erməni amilini zərərsizləşdirmək üçün dəqiq plan hazırlayıb. 

Ölkə.Az xəbər verir ki, bunu Ermənistan parlamentinin daşnak deputatı Armen Rüstəmyan deyib.

"Əgər eskalasiya təhlükəsi yoxdursa, o zaman hakimiyyət niyə xalqımızı müharibə ilə qorxudur? Bu yaxınlarda Nikol Paşinyan əraziləri təslim edəcəkləri sərhəd zonasına gedib və müharibə ilə hədələyib. Əgər təhlükə yoxdursa, buna da ehtiyac yoxdur. Bu, çox aydın şəkildə planlaşdırılmış prosesdir. Bizi oradan-buradan qorxudurlar və elə təəssürat yaradırlar ki, bizim başqa yolumuz yoxdur, sağ qalmaq təslim olmaq lazımdır”, - Rüstəmyan bildirib.

Deputat onu da istisna etməyib ki, bu dəfə Azərbaycan bütün problemləri bir anda həll etmək üçün genişmiqyaslı hücuma keçəcək. 

Onun fikrincə, Azərbaycanın məqsədi Ermənistanı öz minimal maraqlarını belə qoruya bilməyəcəyi vəziyyətə gətirmək və bununla da regionda erməni amilini neytrallaşdırmaqdır.

Mürtəza
Ölkə.Az