Ruslan İzzətli seçicilərinə müraciət etdi

D18 hərəkatının sədri deputatlığa namizəd Ruslan İzzətli seçicilərinə müraciət edib

Ölkə.Az Ruslan İzzətlinin həmin müraciətini sizə təqdim edir:

"Sevgili dostlar, artıq 4 ildir ki, siyasi proseslərdəyəm... Hər zaman haqqın yanında oldum. Haqqın yanında olduğuma görə bəzən hücumlar oldu, bəzən haqsızlığa məruz qaldım. Amma hər zaman ümidim Allah, mənəvi dayağım sizlər oldunuz. Sizlərin həm maddi, həm mənəvi dəstəyi ilə bu yerə gəlib, çıxdım. İndi də parlament seçkilərinə qatıldım. Kampaniyamın ilk günündən dedim - mən hakimiyyətin yox, sizin vəkiliniz olacam. Hal-hazırda 33 saylı Xətai seçki dairəsinin millət vəkili Hüseynbala Mirələmov isə hakimiyyətin vəkilidir. Fərq ortadadır. 10 ildir millət vəkildir, 10 dəfə Xətai insanının problemilə maraqlanmayıb.
Ölkədə haqsız bir rəqabət var. Bir tərəfdə dövlətin bütün gücündən istifadə edən Hüseynbala Mirələmov, digər tərəfdə isə sizə güvənən Ruslan İzzətli. Artıq qərar vermək zamanıdır. Hər biriniz hesab nömrəmizə maddi dəstək olmaqla namizədinizin daha güclü çalışmasına dəstək olmuş olacaqsız".

Qeyd edək ki, Ruslan İzzətli Xətai 33 dairəsindən deputatlığa namizəddir.

Ölkə.Az