Avrasiya coğrafiyasında ciddi oyunçuya, söz sahibinə çevrilən Bakı
ADA Universitetinin təşkil etdiyi “COP29 və Azərbaycan üçün Yaşıl Baxış” mövzusunda beynəlxalq forumu regional təhlükəsizlik, qlobal iqlim dəyişikliyi məsələsində Azərbaycanın məsələyə baxışı, potensialı, oynayacağı rolu, həyata keçirəcəyi layihələr, Avropa İttifaqına qədər uzanan yaşıl enerji dəhlizlərinin gələcəyi, Qarabağda yaşıl və ekoloji cəhətdən təmiz zonaların yaradılması, Cənubi Qafqazda dayanıqlı sülhün, yeni əməkdaşlıq formatlarının yaranması kimi mövzuların müzakirəsi baxımından mühüm əhəmiyyət kəsb edir.
Bunu Ölkə.az-a açıqlamasında deputat İltizam Yusifov deyib.
O əlavə edib ki, forum eyni zamanda bölgədə mövcud qlobal qarşıdurmalar fonunda bölgəki durum və gələcək inkişaf perspektivlərinə Azərbaycanın mövqeyi baxımdan önəmlidir: "Bir sözlə, bütün belə mötəbər toplantılar Azərbaycanın malik olduğu imkanların dünyaya təqdim olunması baxımdan mühüm rol oynayır. Çünki bu cür tədbirlərdə Azərbaycan qlobal miqyasda baş verən proseslərlə bağlı mövqeyini ortaya qoymaqla və problemlərin həllinə öz töhfəsini verməklə ölkəmizin beynəlxalq aləmdə daha güclü fromada möhkəmləndirilməsinə xidmət edir. Forumda cənab Prezident dünyanın tanınmış beyin mərkəzlərinin iştirakçılarının suallarını cavablandıraraq rəsmi Bakının qlobal və regiondakı proseslərlə bağlı mövqeyini ortaya qoydu.
Birincisi, Ermənistanla Azərbaycan arasında dayanıqlı sülhün imzalanması istiqmətində rəsmi Bakının şərtlərini növbəti dəfə qətiyyətli şəkildə bəyan etdi. Bildirildi ki, dayanıqlı sülhün əldə olunması üçün real imkanlar yaranıb və İrəvan bu imkanları dəyərləndirib üzərinə götürdüyü öhdəlikləri yerinə yetirməlidir. Xüsusən də kommunikasiyaların açıqlaması və sərhədlərin delimitasiyası məsələsində konstruktiv mövqe sərgilənməlidir.
İkincisi, Prezident İrəvanla Bakı arasında sülhün əldə olunmasına əngəl olmaqla Cənubi Qafqazda gərginlik yaradan ölkələrə sərt mesajını verdi. Prezident bəzi ölkələrin Azərbaycana qarşı soyuq müharibə aparmaqda, həmçini Ermənistanı silahlandıran Fransa, Hindistan və Yunanıstana xəbərdarlıq etdi. Bəyan etdi ki, Azərbaycan bölgədə sülhə mane olub gərginlik yaratmaq məqsədilə Ermənmistanın silahlandırılmasına biganə qalmayacaq və istənilən cəhdə sərt formada cavab verəcək.
Üçüncüsü, Azərbaycanın həm Cənubi Qafqaz ölkələri, bütövlükdə Qafqaz ölkələri, həm də digər regionlarla əməkdaşlıq əməkdaşlıq mexanizm modeli bir daha beynəlxalq aləmin diqqətinə çatdırıldı. Yeni dünya düzənində logistikaların mühüm əhəmiyyət kəsb etdiyi bir zamanda Cənubi Qafqazın, xüsusən də bu məsələdə Azərbaycanın oynadığı ciddi rol beynəlxalq səviyyəli beyn mərkəzləri tərəfindən qeyd edildi.
Dördüncüsü, Cənubi Qafqazın gələcək yeganə nicatının birgə əməkdaşlıq formatında olması baxımdan Bakının baxışı ortaya qoyuldu. Dövlət başçısı bəyan etdi ki, Azərbaycandan başqa bölgədə heç bir ölkə ciddi iqtisadi uğur əldə edə bilməz. Baltikyanı ölkələrin əməkdaşlıq modelini misal çəkən cənab İlham Əliyev bildirdi ki, İkinci Qarabağ müharibəsindən sonra Azərbaycanın yaratdığı reallıq sıx regional əməkdaşlıq üçün geniş imkanlar yaradır. Bu prizmadan Azərbaycanla Gürcüstan və regionun digər ölkələri ilə çox sıx əməkdaşlıq münasibətləri var. Əgər Ermənistanda regional əməkdaşlıq münasibətlərindən faydalınıb inkişaf etmək istəyirsə, o zaman destruktiv mövqedən əl çəkib Zəngəzur dəhlizinin açılması ilə bağlı üzərinə götürdüyü öhdəliyi yerinə yetirməlidir. Əks təqdirdə Azərbaycanın razılığı olmadan Ermənistan irəli sürdüyü "sülh kəsişməsi" layihəsi layihə olaraq qalacaq. Ermənistan bundan sonra da dalan ölkəsi olmaqda davam edəcək.
Beşincisi, Cənubi Qafqazın geosiyasi güclərin toqquşmasına çevrilməməsi üçün beynəlxalq güclərin birgə əməkdaşılığı baxımdan Bakının mövqeyi ortaya qoyuldu.
Altıncısı, COP 29-un Cənubi Qafqazda sülhə verəcəyi töhfə baxımdan əhəmiyyətlidir.
Yeddincisi, Azərbaycan neft-qaz sahəsində olduğu kimi, gələcəkdə alternativ enerji sahəsində də ciddi rol oynayacaq ölkə baxımdan önəmli rola malik olacaq.
Növbəti bir məqam isə Bakı və Ankaranın bölgənin təhlükəsizliyində, ümumiyyətlə Türk dünyasının mövcud dünya düzəndə yeni güc mərkəzi kimi formalaşması baxımdan ciddi əhəmiyyət kəsb edir.
Bütün bu və digər amillər Azərbaycanın beynəlxalq münasibətlər sistemində ciddi oyunçu kimi qəbul edilib, beynəlxalq aləmdə böyük nüfuza malik dövlət çevrilməsinə xidmət edəcək".
Mürtəza
Ölkə.Az
