Blinken Bakı-İrəvan görüşündən niyə narahatdır? - Tarasov

"Qazaxıstan postsovet məkanında kifayət qədər nüfuzlu ölkə olmaqla yanaşı, artıq Suriya münaqişəsinin nizamlanması prosesində Ankara-Moskva-Tehran Astana formatı şəklində sülh platformasına çevrilən bir təcrübəyə malikdir. Bunu nəzərə alsaq, o zaman Azərbaycan və Ermənistan XİN başçılarının Almatı görüşündən münasibətlərin tənzimlənməsi prosesində müsbət dönüş gözləmək olar".

Ölkə.Az xəbər verir ki, bunu rusiyalı politoloq Stanislav Tarasov Azərbaycan və Ermənistan XİN başçılaırnın Qazaxıstanda gözlənilən görüşünü, həmçininə ABŞ dövlət katibinin İrəvan və Bakıya zəngini şərh edərkən deyib.

Blinkeninin Azərbaycan və Ermənistan lidelərinə zəngini şərh edən Tarasovun fikrincə, ABŞ-nin narahatlığı başadüşüləndir: "Çünki Ermənistan və Azərbaycan XİN rəhbərlərinin Almatıda gözlənilən görüşü iki ölkənin münasibətlərinin nizamlanması üzrə danışıqları yeni məcrada inkişaf edə bilər.  Azərbaycan-Rusiya-Ermənistan arasında imzalanmış məlum üçtərəfli bəyanatların nəticəsi olaraq Cənubi Qafqazın gələcəyi ilə bağlı müəyyən geosiyasi transformasiya gedir. Bu baxımdan 9 noyabr 2020-ci ildə imzalananlar yenidən gündəmə gəlir".

Tarasov hesab edir ki, bu isə Qərbin bölgədə səylərinin ikinci plana keçməsi deməkdir. "Belə bir şəraitdə Blinkenin Almatı görüşündən əvvəl, yeni regional-geosiyasi birləşmənin formalaşdırılması ərəfəsində Paşinyan və Əliyevlə danışaraq onları təhqiq etməyə çalışması təbiidir. Xatırladaq ki, Qazaxıstan postsovet məkanında kifayət qədər nüfuzlu ölkədir. Qazaxıstan Türkiyə ilə birlikdə Suriya münaqişəsinin nizamlanması məqsədilə Ankara, Moskva və Tehranın iştirakı ilə Astana formatı şəklində sülh platforması yaradıb. Hansı ki bu format Qərb və xüsusilə ABŞ üçün kifayət qədər ciddi gərginlik yaradan alternativ  gücdür.

Bunu nəzərə alsaq qeyd edə bilərik ki, Almatı görüşünün İrəvanla Bakı arasında münasibətlərin tənzimlənməsi prosesində müsbət dönüş yarada biləcəyini istisna etmək olmaz. Belə imkanlar həqiqətən də mövcud ola bilər. Əks halda Blinken Paşinyan və Əliyevə zəng etmək qərarına gəlməzdi. Ermənistan-Azərbaycan nizamlanmasına gəldikdə isə demək olar ki, Almatı görüşü proseslər zəncirinin həlqələrindən biridir", - Tarasov bildirib.

Mürtəza
Ölkə.Az