Azərbaycanın hansı gücə və qüdrətə malik olduqlarını gördülər

"Azərbaycan beynəlxalq miqyaslı tədbirləri ən yüksək səviyyədə keçirilməsi sahəsində böyük təcrübəyə malik olduğundan qlobal humanitar problemlərin müzakirə edildiyi bir dialoq mərkəzinə çevrilib. Əgər beynəlxalq miqyasda Davos Forumu dünyada iqtisadi məsələlərin müzakirə edildiyi bir mərkəz kimi tanınırsa, Bakı da qlobal humanitar, mədəniyyətlərarası məsələlərin dialoq mərkəzi kimi qəbul edilir. 2008-ci ildən etibarən Bakıda keçirilən humanitar və mədəniyyətlərarasa forum ənənə halını aldığından beynəlxalq miqyasda "Bakı prosesi" kimi qəbul edilir. Ölkəmizdə keçirilən bu forumlar qlobal humanitar problemlərin həllinə və mədəniyyətlərarası dialoqun təşkilinə öz töhfəsini verməkdədir. Azərbaycanda keçirilən Foruma ildən ilə artan maraq bunun bariz nümunəsidir".

Bunu Ölkə.Az-a açıqlamasında Milli Məclis sədrinin müavini Fəzail İbrahimli deyib.

Vitse-spiker bildirib ki, "Sülh və qlobal təhlükəsizlik naminə dialoq” mövzusunda VI Ümumdünya Mədəniyyətlərarası Dialoq Forum da çox uğurla keçdi. "Forumda 100-dan artıq dövlətin nümayəndəsi iştirak edib. Forum çərçivəsində beynəlxalq aləmi narahat eədn çox ciddi məsələlər müzakirə edildi. VI Ümumdünya Mədəniyyətlərarası Dialoq Forumunda iştirak edənlər hazırda dünyada hökm sürən çox mürəkkəb qarşıdurmaların, münaqişələrin, humanitar böhranların həlli yollarını, o cümlədən sülhün və qlobal təhlükəsizliyin təmin edilməsına necə töhfə verə biləcəklərini müzakirə etdilər", - millət vəkili vurğulayıb.

Vitse-spiker əlavə edib ki, Forumun əsas məqsədi dialoq vasitəsilə sülhü təşviq etmək, qlobal təhlükəsizliyi gücləndirmək və əməkdaşlığı möhkəmləndirməkdir. "Forumun məqsədi yeni siyasət, razılaşmalar formalaşdırmaq idi ki, bu yolla təxirəsalınmaz məsələlərin həlli istiqamətində dünya dövlətlərinə təsir etmək mümkün olsun. Hesab edirəm ki, bu baxımdan Bakıda keçirilən Forum qarşısına qoyduğu hədəflərə nail olacaq", - deputat bildirib.

Millət vəkili bildirib ki, Forumda diqqət çəkən əsas məsələ isə Azərbaycan Prezidenti İlham Əliyevin çıxışı oldu: "Cənab Prezidentin çıxışını beynəlxalq aləmə bir mesaj kimi dəyərləndirmək lazımdır. Ölkə başçısı çıxışında dünyada, Qafqazda gedən proseslər və bunlarla bağlı Azərbaycanın mövqeyi ilə bağlı kifayət qədər ciddi mesajlar verdi.

Cənab Prezident bəlkə də dünyanın siyasi leksikonunda olmayan müəyyən məqamları dilə gətirdi. Ölkə başçısının "müharibə vasitəsi ilə sülhə nail olduq" ifadəsi dünya siyasi leksikonunda yeni ifadə idi. Bu dünyaya bir mesaj idi. 30 il beynəlxalq hüququn ədalətinə inanıb səbr və təmkinlə gözlədik, dünyanın aparıcı dövlətləri ilə dialoqu davam etdirərək Ermənistan-Azərbaycan münaqişəsini sülh yolu ilə həllinə nail olmağa çalışdıq. Hətta danıqşılar zamanı Qarabağda yaşayan ermənilərə ən yüksək səviyyədə güzəştlərin, statusun verilməsi barədə fikir mübadiləsi aparılırdı. Amma nə Ermənistan, nə də onların havadarları Azərbaycanın təkliflərinə əhəmiyyət verməyib işğalı davam etdirdilər. Bu yolla Azərbaycanı işğalla barışmağa çalışdılar. Azərbaycan danışıqlarla yanaşı öz iqtisadi və hərbi cəhətdən qüdrətlənmək istiqamətində məqsədli siyasətini də həyata keçirdi. Danışıqlar yolu ilə msələnənin həlli olmayanda Azərbaycan öz gücünə arxalanıb beynəlxalq hüquqa əsaslanaraq ədaləti bərpa etmək qərarına gəldi. Cənab Prezidentin bəyan etdiyi kimi biz torpaqlarımızı müharibə yolu ilə azad etdik və bu gün isə Azərbaycanın müəyyən etdiyi sülh gündəliyi əsasında Ermənistanla münasibətləri sülhə nail olmaq istəyirik və bu istiqamətdə də sülh danışıqları gedir. Sərhədlərin demarkasiya və delimitasiya prosesinə başlanılıb. Bax, bu fikir çox ciddi məsələ idi.

İkinci məqam isə Azərbaycanın Qoşulmama Hərəkatına sədrliyi dövründə təşkilatın beynəlxal münasibətlər sistemində aktiv rola malik quruma çevrilməsi və beynəlxalq aləmdə baş verən proseslərlə bağlı qətiyyətli mövqe tutması və əldə edilən uğurlarla bağlı idi.

Üçüncüsü, imperialist, neokolonializm siyasətini həyata keçirən ölkələrə qarşı ciddi mesaj verildi. Prezident Azərbaycanın Qoşulmama Hərkatına rəhbərliyi dövründə müstəmləkə siyasətini həyata keçirən ölkələrə qarşı qətiyyətli mövqe sərgiləndi. Doğrudan da belə idi. Dünyanın bir çox regionlarında müstəmləkəçilik siyasəti yürüdən Fransa kimi dövlətinin iç sımasını bir daha beynəlxalq səviyyəli tribundan ifşa etdi. Prezident bəyan etdi ki, XXI əsrdə bəzi Avropa ölkələrinin, xüsusən də Fransanın digər xalqlara qarşı müstəmləkə siyasətini yürütməsinə imkan verə bilmərik. Belə bir qətiyyətli fikri ancaq çox qədim və yüksək mədəniyyətə sahib Azərbaycan lideri tərəfindən dünyanın üzləşdiyi vəziyyət və bu durumdan çıxması, istənilən forma işğala, müstəmləkəçiliyə qarşı prinspial mövqe nümayiş etdilə birlədi və belə də oldu. Hansı ki, belə açıq fikirlə heç dünyanın böyük dövlətlərinin lideləri tərəfindən ortaya qoyulmayıb. Həmin ölkələr adətən ikili standartlara əsaslanaraq demokratiya, insan haqları bayrağı altında öz müstəmləkəçilik siyasətini həyata keçirməkdədirlər. Azərbaycan Prezidenti onu da açıq bəyan etdi ki, Avropa strukturları, xüsusən də AŞPA, Avropa Parlamenti həmin ölkələrin imperialist siyasətinin həyata keçirilməsində bir alət rolunu oynayıb, başqa ölkələrin daxili işlərinə kobudcasına müdaxilə edirlər.

Prezident çıxışında eyni zamanda bölgədən uzaq bəzi ölkələrin, xüsusən də Fransanın Cənubi Qafqazda çirkin planlarını, maraqlarını həyata keçirmək üçün bölgədə gərginliyin davam etməsini və münaqişənin alovlandırımaq cəhdini qətiyyətli şəkildə pislədi. Ölkə başçısı bəyan etdi ki, Qafqaz ölkəsi olmayan hər hansı bir dövlətin bölgənin daxili işlərinə müdaxilə etməsinə heç cür imkan verilməyəcək.

Azərbaycan bölgədə sülhü müharibə yolu ilə əldə etsə də, dayanıqlı sülhün təmin edilməsi istiqamətində də sülh gündəliyi ilə çıxış edən elə Bakı özü olub. Azərbaycanın müəyyənləşdirdiyi sülh gündəliyinə uyğun olaraq hər hansı üçüncü tərəfin iştirakı olmadan Ermənistanla danışıqlar gedir.

Son olaraq onu qeyd etmək istərdim ki, Forumda iştiak edənlər bir daha Azərbaycanın hansı gücə və qüdrətə malik ölkə olduğunu gördü".

Mürtəza

Ölkə.Az