Bununla da Ulu öndərin arzusu həyata keçib - Sahibə Qafarova

Ümumilli lider Heydər Əliyev iki dəfə xalqın taleyüklü məsələlərdə missiyanı üzərinə götürərək zamanın çağırışlarına uyğun düzgün qərar verməklə insanların ona olan ümidlərini doğruldub.

Ölkə.Az xəbər verir ki, bunu Milli Məclisin sədri Sahibə Qafarova  parlamentin bu gün keçirilən plenar iclasında çıxışı zamanı deyib.

Onun sözlərinə görə,  bununla da Ulu öndər  layiqli dövlət xadimlərinin  dövlətçilik irsini inkişaf etdirib. “Ulu öndər Heydər Əliyev dünya liderlərindən biri kimi müasir dövrün çağrışlarına uyğun siyasi fəaliyyət göstərərək qloballaşma əsrinə çatdıran liderdir”, - o qeyd edib.

Spiker əlavə edib ki, Ümummili liderin siyasi irsi cənab Prezident İlham Əliyev tərəfindən 21 ildir, uğurla davam etdirilir. “Cənab Prezident İlham Əliyevin liderliyi altında Azərbaycan ciddi uğurlara imza ataraq  xalıqmızın qarşısında duran taleyüklü məsələləri həll edib. Cənab Prezidentin yürütdüyü siyasət nəticəsində Azərbaycanın 30 illik işğlaçılıq siyasətinə son verilərək ölkəmizi ərazi bütövlüyü və suvreneliyi bərpa edilib. Bununla da Ulu öndərin arzusu həyata keçib”, - o qeyd edib.

Mürtəza
Ölkə.Az