Fitnə, terror yuvası olan erməni kilsəsi ənənələri

“Neçə gündür ki, Qazaxın 4 kəndinin geri qaytarılmasına qarşı Ermənistanda dirəniş göstərilir. Belə görünür ki, bu dirəniş aksiyasının təşkili indi də Qriqorian kilsəsinə tapşırılıb”.

Ölkə.Az xəbər verir ki, bunu deputat Sahib Alıyev deyib.

Onun sözlərinə görə, həmin kilsənin qabağa verdiyi keşiş Baqrat da, böyüyü II Qaregin də I Vazgenin ötən əsrin 90-cı illərində oynadığı rolu oynayırlar ki, burada da təəccüblü heç nə yoxdur. “Çünki elə hay mənbələrinin özlərinin bildirdiklərinə görə onlar dindən çox, yaxşı tanıdığımız bir ölkənin bəlli strukturuna (xarici ölkənin xüsusi xidmət orqanlarına-red) bağlıdırlar. Üstəlik, Qriqorian kilsəsinin neçə əsrdir ki, fitnə-fəsad və terror yuvası kimi fəaliyyət gösərmək təcrübəsi də var. Bir sözlə, bu kilsə yenə keçmişdəki ənənələrini davam etdirirlər”, - o qeyd edib.

Deputat əlavə edib ki, qəribədir qərbdəkilər də Paşinyana öz qareginləri kimi yanaşırlar: “Medialarına baxın, Ermənistan orada xaçlı yürüşülərinə romantik çalar vermək üçün bir zamanlar səlibçilərin uydurduqları ölkə, Paşinyanı isə o uydurma ölkənin guya hökmdarı olmuş "Presviter İohan" kimi təqdim edilir ki, bu da təbiidir. Çünki indiki qlobal geosiyasi konyunktura həm də dini ayrı-seçkilik zəminində formalaşdırılıb.

Bax, bu reallıqları, eləcə də son yarım ayda regionda baş verənləri göz önünə gətirsək, ötən həftə Bakıda keçirilən Mədəniyyətlərarası Dialoq Forumunun nə qədər böyük önəm daşıdığını görməmək mümkün deyil. Cənab İlham Əliyevin orada islamafobiyanı, neomüstəmləkəçilik meyillərini kəskin tənqidi göstərdi ki, bu qəbildən olan tədbirlər dövlət başçımızın fevralın 14-də andiçmə törənində haqqında danışdığı yeni xarici siyasət prioritetlərinin reallaşdırıldığı platformalardan biri kimi çıxış edir və edəcək".

ABŞ səfirinin Şuşaya səfəri ilə bağlı mövqeyini açıqlayan deputat bildirib ki, səfir O`Brayncasına açıqlama verdirib, sonra da O`Brayncasına hərəkət etdi: "Ağ Evdə və Dövlət Departamentində hay diasporuna sıx bağlı olanlar öz diplomatlarını pis vəziyyətdə qoymamalıdırlar.

Hazırda işi məhkəmədə olan senator Menendesdən heç bir baxımdan fərqlənməyən bəzi ABŞ rəsmiləri bilməsə də, Pentaqonda və digər strukturlardakı dərin adamlar Azərbaycanın bu regionda oynadığı roldan da, dövlətimizin qurucusu Ulu Öndər Heydər Əliyevin Xəzər hövzəsini qərbə açdığından da, Əfqanıstanda və bir çox başqa yerlərdə verdiyimiz dəstəkdən də, eləcə də Şuşanın necə azad edildiyindən də yaxşı xəbərdardırlar”.

Mürtəza
Ölkə.Az