Onlar siyasi insan, maşın alverçiləridirlər - Deputat

“Bu gün Azərbaycanda insan alverinin digər ölkələrdən fərqli xüsusi bir forması var və bu siyasi alver mənbəyidir. Buna  qarşı ciddi mübarizə aparlmalıdır”.

Ölkə.Az  xəbər verir ki, bunu deputat Siyavuş Novruzov parlamentdə çıxışı zamanı deyib.

Onun sözlərinə görə, bu gün ölkədə müəyyən şəxsləri siyasi məhbus kimi siyahıda təqdim etmək istiqamətində işlər görülür. “Onların siyahısı Milli Şuraya, xaricdəki blogerlərə təqdim edilir. Bu yolla Milli Şura və xaricdəki blogerlər gəlir əldə edirlər”, - o qeyd edib.

Deputat əlavə edib ki, hətta heç bir siyasi fəaliyyəti olmayanlara guya siyasi fəaliyyət göstərməsi barədə arayış satırlar. “Onlar satdığı bu arayışlarla xaricə getmək üçün viza almağa yardım göstərilir. Bu da insan alverinin bir formasıdır.

Bu insanlar da paytaxtın insanların sıx ərazilərində və ya Fəvvarələr Meydanında fotolar çəkdirirlər. Guya onlar aksiya təşkil ediblər və onların aksiyasına imkan verilməyib, təzyiqlərə məruz qalıblar. Bunların da əksəriyyəti maşın alverçisi və ali təhsili olmayan insanlardır. Buna qarşı ciddi mübarizə aparılmalıdır”, - deputat qeyd edib.

Mürtəza
Ölkə.Az