Novruz Məmmədovdan keçmiş baş nazirin sözlərinə
Dünyanı indiki vəziyyətə salan da elə bilə-bilə edilən bu səhvlərdir”
Ölkə.Az xəbər verir ki, Azərbaycan Prezidenti Administrasiyası rəhbərinin müavini, xarici əlaqələr şöbəsinin müdiri Novruz Məmmədov “Twitter” səhifəsində Böyük Britaniyanın keçmiş baş nazirin səsləndirdiyi fikirlərə reaksiya verib.
"Deyirlər Bleyer “səhvinə” görə üzr istəyib. Amma bu nə 1-ci “səhvdir”, nə də sonuncu. Bundan da böyük “səhvlər” olub.
Məmmədov vurğulayıb ki, son illər Qərbdə rəhbərlərin belə səhvlərinin sayı-hesabı yoxdur:
"Dünyanı indiki vəziyyətə salan da elə bilə-bilə edilən bu səhvlərdir”, - deyə Məmmədov əlavə edib.
Böyük Britaniyanın sabiq baş naziri Toni Bleyer bu yaxınlarda verdiyi müsahibə zamanı İraq müharibəsində baş verənlərə görə üzr istəyib və İŞİD-in baş qaldırmasında qismən günahkar olduğu barədə fikirlər səsləndirib.
Rəşid Mustafazadə
Ölkə.Az
