Şuşada Türkiyə konsulluğu nə vaxt açılacaq?
44 günlük müharibədən sonra Şuşada Türkiyə konsulluğunun açılması mühüm idi. Amma bu gün orada nə separatçılar var, nə də sülhməramlılar. Belə olan halda da konsulluğun təcili sürətdə açılmasına ehtiyac qalmadı.
Bu sözləri Axar.az-a açıqlamasında politoloq Asif Nərimanlı deyib.
“Şuşada konsulluq məsələsi bizə əvvəl birmənalı olaraq siyasi baxımdan lazım idi. Çünki 44 günlük müharibədən sonra Qarabağda separatçılar qalmışdı və əlavə olaraq xüsusi ilə Rusiya sülhməramlılarının orada olması bizə təhdidlər yarada bilərdi. Amma indi separatçılar da, sülhməramlılar da qalmayıb. Buna görə də konsulluğun açılması sadəcə texniki məsələdir. Şəhər tamamilə qurulduqdan sonra konsulluq da açılacaq. Sadəcə, bir az səbir etmək lazımdır”, - politoloq bildirib.
