İrəvan Moskva ilə münasibətlərdən qaçır - Nazir müavini 

İrəvan hər vasitə ilə Moskva ilə münasibətlərdən yayınmağa çalışır. Ermənistan Xarici İşlər Nazirliyi və Müdafiə Nazirliyi Rusiya ilə əlaqələrə maraq göstərməyi dayandırıb və bu, Qərbin təzyiqinin nəticəsidir. 

Ölkə.Az xəbər verir ki, bunu Rusiya xarici işlər nazirinin müavini Mixail Qaluzin deyib.

“2023-cü ilin noyabrından bəri xarici işlər nazirlərinin görüşü olmayıb. Xarici işlər nazirlikləri arasında məsləhətləşmələr üçün başqa planın hazırlanması və yekunlaşdırılması təklifimizə tərəfdaşlar maraq göstərmədilər. Müdafiə idarələri arasında əlaqələrin dinamikasının nəzərəçarpacaq dərəcədə azalması bizim günahımız deyil. Hərbi-texniki əməkdaşlıq da geriləyib. Biz bunu İrəvanı ölkəmizlə əlaqələri minimuma endirməyə məcbur etməyə çalışan qərblilərin təzyiqinin nəticəsi kimi görürük”, - nazir müavini qeyd edib.

Mürtəza
Ölkə.Az