Deputat: Bu qanuna səs verməyəcəyəm

Milli Məclisin növbədənkənar sessiyasında müzakirəyə çıxarılan Ailə Məcəlləsinə dəyişikliklər deputatların ciddi müzakirəsinə səbəb olub.

Ölkə.Az xəbər verir ki, qanuna dəyişikliklə bağlı çıxış edən deputat Sabir Rüstəmxanlı bəzi vətəndaşlarımızın və ölkədən kənarda yaşayan soydaşlarımıza vətəndaşlıq verilməməsindən ciddi narazılığını dilə gətirib. 

Güney Azərbaycandan olan soydaşlarımıza vətəndaşlıq hüququ verilməməsindən narazılıq edən parlament üzvü deyib ki, vətəndaşlıq təkcə pullu insanlara yox, həm də kasıb və bilikli adamlara verilməlidir. 

Bundan əlavə, 30 ildən artıq Azərbaycanda yaşayan Axısqa türklərinə vətəndaşlıq verilməməsini də düzgün hesab etməyən deputat aidiyyəti qurumları bu problemi həll etməyə çağırıb.

Sonda isə deputat qanuna etiraz olaraq bildirib ki, səs verməyəcək.

Mürtəza
Ölkə.Az