Avropa İttifaqı Rusiyanı Azərbaycanla əvəzləyir 

Avropa İttifaqı (Aİ) Rusiya ilə müqavilə başa çatdıqdan sonra Ukraynaya qaz tranzitini davam etdirməyi təklif edib.

 

Ölkə.Az xəbər verir ki, bu barədə "Bloomberg" yazır.

 

Nəşrin yazdığına görə, müzakirə olunan variantlardan birinə əsasən, Avropa şirkətləri Azərbaycandan qaz alıb Ukraynadan keçərək Avropaya gedən boru kəmərlərinə çəkəcəkdilər.

 

"Bloomberg" yazır ki, Kiyev belə bir həldə maraqlı olduğu üçün bu ideya “dəstək qazanır”. 2021-ci ildə qaz tranzitindən əldə olunan gəlir Ukraynaya 1 milyard dollara yaxın gəlir gətirib ki, bu da müharibədən əziyyət çəkən Ukrayna iqtisadiyyatı üçün əhəmiyyətlidir.

 

"Bloomberg" mənbələrinə istinadən bildirib ki, danışıqlar ilkin mərhələsində olsa da, ilin sonuna kimi qərarın veriləcəyi gözlənilir.

 

Məlumatına görə, Azərbaycan artıq Avropaya boru kəmərindən “tam gücü ilə” istifadə edir. Eyni zamanda, agentliyin yazdığı kimi, sövdələşmə Moskvaya digər ölkələrə qaz tədarük etməyə imkan verəcək bir mübadilə kimi qurularsa, Rusiyaya da fayda verə bilər.