Kandelaki gürcüləri "qoyun" adlandırdı - QALMAQAL

Türkiyə-Gürcüstan oyununun yayımı zamanı tribunalardan gürcü azarkeşlər tərəfindən Rusiya prezidenti Vladimir Putinin ünvanına səsləndirilən təhqirlərə cavab olaraq “Qazprom-Media” holdinqinin baş direktorunun müavini, anası erməni, atası gürcü olan tanınmış jurnalist, teleaparıcı Tina Kandelaki sərt reaksiya verib.

Ölkə.Az xəbər verir ki, Kandelaki bu barədə öz teleqram kanalında yazıb.

Gürcüləri "axmaq qoyunlar" adlandıran Kandelaki bildirib ki, son iki ayda Gürcüstanda baş verən uğursuzluqlara görə, gürcü müxalifətinin işi ancaq Rusiya prezidentini təhqir etmək qalır. "Çirkli, vulqar bir şəkildə. Bu aksiyaların təşəbbüskarı olanlar, iştirak edənlərin hamısı, onlarla qohumluq əlaqəsi olanların hamısına bir gürcü kimi cavab verəcəyəm. Sizi kəsməyə aparırlar, axmaq qoyunlar. Sizdən tarixdə dəfələrlə olduğu kimi, Amerika və Avropa siyasətçiləri də yem kimi istifadə edirlər”, -  Kandelaki yazıb.

Onu da qeyd edək ki, Tina Kandelaki bir çox qalmaqallı açıqlamaları ilə yadda qalan jurnalistdir.

Mürtəza
Ölkə.Az