Milli Məclisin növbədənkənar sessiyasının gündəliyi açıqlandı

Milli Məclisin növbəti növbədənkənar sessiyasının iclası iyunun 25-də keçiriləcək.

Ölkə.Az xəbər verir ki, növbədənkənar sessiyanın gündəliyinə 17 məsələ daxil edilib.

Deputatlar aşağıdakı məsələləri müzakirə edəcək:
1. 2024-cü il dövlət büdcəsi haqqında” qanununa dəyişiklik edilməsi (üçüncü oxunuş).
2. “Dövlət sosial müdafiə fondunun 2024-cü il büdcəsi haqqında” qanununa dəyişiklik edilməsi (üçüncü oxunuş).
3. “İşsizlikdən sığorta fondunun 2024-cü il büdcəsi haqqında” qanununa dəyişiklik edilməsi (üçüncü oxunuş).
4. “Azərbaycan Respublikası Hökuməti ilə Mərakeş Krallığı Hökuməti arasında ümumvətəndaş pasportlarının sahiblərinin viza tələbindən azad edilməsi haqqında Saziş”in təsdiq edilməsini.
5. “Azərbaycan Respublikası Hökuməti ilə Qambiya Respublikası Hökuməti arasında diplomatik pasportlara malik şəxslərin qarşılıqlı viza tələbindən azad edilməsi haqqında Saziş”in təsdiq edilməsi barədə qanununun layihəsi.
6. “Məşğulluq haqqında” qanununda dəyişiklik edilməsi (üçüncü oxunuş).
7. Ailə Məcəlləsinə dəyişiklik edilməsi haqqında (üçüncü oxunuş).
8. Vergi Məcəlləsində, “Yol hərəkəti haqqında” və “Avtomobil nəqliyyatı haqqında” qanunlarına dəyişiklik edilməsi (üçüncü oxunuş).
9. “Mühasibat uçotu haqqında” qanuna dəyişiklik edilməsi (üçüncü oxunuş).
10. Ailə Məcəlləsinə dəyişiklik edilməsi haqqında qanunun layihəsi (üçüncü oxunuş).
11. Ailə Məcəlləsində, “Azərbaycan Respublikası vətəndaşının şəxsiyyət vəsiqəsi haqqında”, “İnformasiya, informasiyalaşdırma və informasiyanın mühafizəsi haqqında” və “Fərdi məlumatlar haqqında” qanunlara dəyişiklik edilməsi barədə qanun layihəsi (ikinci oxunuş).
12. Torpaq Məcəlləsində dəyişiklik edilməsi haqqında qanun layihəsi (ikinci oxunuş).
13. Əmək Məcəlləsində, Vergi Məcəlləsində, Cəzaların İcrası Məcəlləsində, “Təhqiqat, ibtidai istintaq, prokurorluq və məhkəmə orqanlarının qanunsuz hərəkətləri nəticəsində fiziki şəxslərə vurulmuş ziyanın ödənilməsi haqqında”, “Məcburi köçkünlərin və onlara bərabər tutulan şəxslərin sosial müdafiəsi haqqında”, “Gömrük orqanlarında xidmət haqqında Əsasnamə”nin təsdiq edilməsi barədə”, “Dövlət qulluğu haqqında”, “Azərbaycan Respublikasının daxili işlər orqanlarında xidmət keçmə haqqında Əsasnamənin təsdiq edilməsi barədə”, “Dövlət sosial sığorta sistemində fərdi uçot haqqında”, “İşsizlikdən sığorta haqqında” və “Məşğulluq haqqında” qanunlarına dəyişiklik edilməsi barədə layihəsi (ikinci oxunuş).
14. “Yol hərəkəti haqqında” və İnzibati Xətalar Məcəlləsində dəyişiklik edilməsi barədə qanun layihəsi (ikinci oxunuş).
15. “Narkotik vasitələrin, psixotrop maddələrin və onların prekursorlarının dövriyyəsi haqqında” qanuna dəyişiklik edilməsi (ikinci oxunuş).
16. Ailə Məcəlləsində, Cinayət Məcəlləsində və İnzibati Xətalar Məcəlləsində dəyişiklik edilməsi haqqında qanununun layihəsi (ikinci oxunuş).
17. “Şəhid adının əbədiləşdirilməsi və şəhid ailələrinə edilən güzəştlər haqqında” qanuna dəyişiklik edilməsi (ikinci oxunuş).