Assanj niyə azad edildi? – Ciddi maneə idi

"WikiLeaks"in rəhbəri Culian Assanjın Britaniya həbsxanasından azad edilməsi ABŞ prezidenti Co Baydenin seçki kampaniyasının tərkib hissəsidir.

Ölkə.Az xəbər verir ki, bunu politoloq, Amerika Silahlı Qüvvələrinin istefada olan polkovnik-leytenantı Erl Rasmussen “İzvestiya”ya açıqlamasında bildirib.

Onun sözlərinə görə, Assanjın azad edilməsi, Baydenin prezident postuna namizəd Donald Trampla debatından bir gün əvvəl baş verib ki, bu da Ağ Evin hazırkı rəhbəri üçün yaxşı düşünülmüş seçki kampaniyasından xəbər verir.

“Şübhəsiz ki, burada seçkilərin rolu olub. Düşünürəm ki, Bayden Assanj ilə bu sövdələşmədən qurtulmaq istəyirdi”, - o bildirib.

Rasmussen əlavə edib ki, Bayden Assanjın problem olacağını düşünürdü. "Assanj bu seçkidə ona ciddi zərbə vura bilərdi. Ona görə də mane olmamaq üçün bu addımı atdılar. Bu, bir növ birgə fəaliyyətin nəticəsi idi. Adətən, belə hallar Vaşinqtona həll olunmaq üçün geri gəlmir”, - polkovnik-leytenant vurğulayıb.

Qeyd edək ki, Böyük Britaniyada 1901 gün həbsdə olan Assanj iyunun 24-də ABŞ Ədliyyə Nazirliyi ilə razılığa gəldikdən sonra məhkəmə zalından azad edilib. ABŞ Assanjı Casusluq Aktını pozmaq və məxfi məlumatları açıqlamaq da daxil olmaqla 18 maddə ilə ittiham edilirdi. Bu iddialara əsasən onu 175 il həbs cəzası gözləyirdi. Məhkəmədən sonra Assanj Avstraliyaya uçub.

Mürtəza
Ölkə.Az