Sabah YAP İdarə Heyətinin iclası keçiriləcək

Sabah - iyulun 3-də Yeni Azərbaycan Partiyası (YAP) İdarə Heyətinin iclası keçiriləcək.

"Report"un əldə etdiyi məlumata görə, iclasda partiya Milli Məclisə keçiriləcək seçkilərdə iştirakla bağlı qərar qəbul edəcək.

Toplantıda növbədənkənar parlament seçkilərində YAP-ın səlahiyyətli nümayəndələri təyin olunacaq.

Qeyd edək ki, Prezident İlham Əliyev iyunun 28-də altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb. Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.