Gəncədə seçkilər necə keçirilir?

Gəncədə 4 seçki dairəsi üzrə 107 məntəqədə səsvermə həyata keçiriləcək.

Parlament seçkiləri ilə əlaqədar Gəncədə 4 seçki dairəsi üzrə 107 məntəqədə 145 min 494 seçicinin adı siyahıya alınıb. Onlardan 31 min 968 nəfəri 37 saylı DSK üzrə 24 məntəqədə, 33 min 505 nəfər 38 saylı DSK-nın 24 məntəqəsində səs verəcək. 39 saylı DSK-nın 29 məntəqəsində 38 min 147 seçici qeydiyyatdadır, 30 məntəqəni əhatə edən 40 saylı DSK üzrə isə 41 min 874 səsvermə hüququ olan vətəndaş var. Şəhər üzrə qapalı məntəqələrin sayı 5-dir.

107 mülki və 5 qapalı seçki məntəqəsi də daxil olmaqla Gəncədəki 4 DSK üzrə 158 min 772 Mili Məclisə seçkilərdə səsvermə hüququ olan vətəndaş kimi qeydə alınıb. Seçicilər 4 yer uğrunda mübarizə aparan 25 nəfərdən layiqli namizədləri millət vəkili kimi görmək üçün səs verirlər. Seçicilər arasında 800-ə yaxını səsvermədə ilk dəfə iştirak edir. Ən yaşlı seçicinin isə 110 yaşı var. Seçkilərin gidişatı ilə bağlı məlumatların operativ olaraq ötürülməsi üçün bütün məntəqələr rabitə və yüksəksürətli internetlə təmin olunub. Prosesi canlı izləmək üçün 40 məntəqədə veb-kamera quraşdırılıb. Mərkəzi Seçki Komissiyası tərəfindən əlil və görmə qabiliyyəti olmayan insanların, eləcə də məntəqəyə gələ bilməyən qoca və xəstələrin səsverməsinin təmin olunması üçün də lazımi şərait yaradıb. Bütün məntəqələrə gözdən əlillər üçün brayl əlifbası ilə tərtib olunan bülletenlər paylanılıb, daşınan qutular verilib. Məntəqəyə edilən yazılı və şifahi müraciət əsasında səsvermə daşınan qutuyla həmin ünvanında həyata keçirilir.

Gəncənin 4 Dairə Seçki Komissiyasının 107 məntəqəsində sağlamlıq imkanları məhdud olan şəxslərin seçkilərdə iştirakını təmin etmək üçün 44 məntəqəyə pandusların quraşdırılması da təmin olunub.

Gəncə parlament seçkilərinin şəffaf və demokratik keçirilməsini müxtəlif siyası partiyaları təmsil edən 1000-dən arıtq yerli müşahidəçi izləyir. Eləcə də Azərbaycana gələn Türkdilli Ölkələrin Əməkdaşlıq Şurasının nümayəndələri də Gəncədə seçki prosesini izləyir. (Kəpəz TV)

Ölkə.Az