Bosniyalı deputat: "Seçkilərdə seçiciləri narahat edən hallar aşkar edilməyib"

Bu gün keçirilən parlament seçkilərində seçiciləri narahat edən hallar aşkar edilməyib.

Bunu mətbuata açıqlamasında Bosniya və Hersoqovina parlamentinin üzvü Nərminə Kapetanoviç deyib.

Onun sözlərinə görə, baş çəkdikləri 6 məntəqənin heç birində şikayət qeydə alınmayıb.

Beynəlxalq müşahidəçi qeyd edib ki, məntəqələrdə namizədlərin təbliğat-təşviqat materiallarının olmaması seçkinin yaxşı təşkil olunduğundan xəbər verir: “Seçiciləri narahat edən hallar aşkar edilməyib. Bütün bunlar demokratiya və şəffaflığın təmin olunmasını göstərir. Azərbaycanlıların qonaqpərvərliyi və mehribanlığı məni digər səfərlərimdə olduğu kimi bu dəfə də sevindirir”.

N.Kapetanoviç bildirib ki, 2 il əvvəl prezident seçkilərini izləmək üçün Bakıda olub: “Həmin seçki yüksək səviyyədə keçirilmişdi. Bu hal məni çox sevindirmişdi. Bu dəfə də seçki prosesi qaydalara uyğun təşkil olunub”.trend

Ölkə.Az