Vaşinqtonun təşəbbüsü: Danışıqlarda diktə edən tərəf Bakıdır - erməni politoloq 

Əminəm ki, Azərbaycan danışıqlar zamanı ilkin şərtlər irəli sürüb və öz qiymətləndirməsinə görə Ermənistan bunu yerinə yetirməyə məcburdur.

Ölkə.Az xəbər verir ki, bunu erməni politoloq Suren Sarkisyan Vaşinqton görüşünün nəticələrini şərh edərkən deyib 

Onun sözlərinə görə, İrəvan da öz növbəsində uduzmuş tərəf mövqeyindən çıxış etdiyi üçün ilkin şərtlər irəli sürə bilməz.

“Belə hallarda uduzan tərəf öz maraqlarını bərabər şəkildə təmin edə bilməz.
Təbii ki, ABŞ-nin işə qarışması  bu mənada müəyyən balansa gətirib çıxara bilər. Lakin anlamaq lazımdır ki, İrəvan və Bakı birbaşa, vasitəçisiz danışıqlar aparır. Bu həm baş nazirin müavinləri səviyyəsində, həm də ölkə liderləri səviyyəsində aparılan danışıqlara aiddir. Danışıqların vasitəçilərsiz davam etdirilməsi də, Azərbaycanın ilkin şərti idi və bu da Ermənistanı qane edib”, - Sarkisyan vurğulayıb.

Mürtəza
Ölkə.Az