Silahdaşları Baydenin seçkidən geri çəkilməsini tələb edir - Çəkilməsə, bizi də uçuruma yuvarlayacaq

Co Baydenin prezident seçkilərində iştirakı Demokratlar Partiyasını qalib gəlmək şanslarından məhrum edir. 

Ölkə.Az CNN-ə  istinadən xəbər verir ki, bunu ABŞ-ın Nümayəndələr Palatasının keçmiş spikeri Nensi Pelosi prezident Co Baydenlə təkbətək söhbətində bildirib. 

Onların fikrincə, o, açıq şəkildə prezidentə müraciət edərək namizədliyini geri götürməyi təklif edib. 

Nensi Pelosi Co Baydenlə söhbətində Donald Trampı məğlub edə bilməyəcəyini bildirib. Cavab olaraq, cənab Bayden, onun qələbəsini proqnozlaşdıran sorğuları dilə gətirib.

 Nensi Pelosi Co Baydenə xəbərdarlıq edib ki, demokratlar onun siyasi zəiflikləri barədə getdikcə daha çox ictimaiyyətə açıqlamalar verəcək.

"Politico"nun yazdığına görə isə Pelosi  Baydenin istefasını tələb etməsə də,  lakin bunun baş verməsi üçün əlindən gələni edəcək.  Nəşr onu da qeyd edib  ki, yaxın gələcəkdə Nümayəndələr Palatasının keçmiş sədri açıq şəkildə Co Baydenin prezidentlik yarışından geri çəkilməsini tələb edə bilər.

"The Washington Post"un  məlumatına görə, Baydenin uğursuzluğu nəticədə Demokratlar Partiyasına da öz mənfi təsirini göstərəcək. Belə ki, demokratlar Konqresin hər iki palatasında nəzarəti itirmək riski ilə üzləşəcəklər. 

Mürtəza
Ölkə.Az