Ermənistan təhlükəsizliyini təhdid altına salır - Zaxarova

"ABŞ və Avropa Birliyinin vəzifəsi Cənubi Qafqaz dövlətlərinin ənənəvi tərəfdaşlarının və qonşularının maraqlarına zərər verərək regionda öz yerini tutmağa çalışmaqdır. Bunu da məhz Ermənistan vasitəsilə edirlər".

Ölkə.Az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Zaxarova əlavə edib ki, İrəvan Qərb və NATO ilə əməkdaşlığı genişləndirməyə üstünlük verir və bu da Ermənistanın gələcəyi üçün narahatlıq yaradır. "Çünki ABŞ, Aİ öz məqsədləri üçün ölkələrdən istifadə edir və sonra da taleyin ümidinə buraxırlar.

ABŞ və NATO kimi Rusiyanın strateji məğlubiyyətini bəyan edənlərlə belə bir tempdə əməkdaşlığı dərinləşdirən İrəvan öz əlləri ilə Cənubi Qafqazda vəziyyəti ciddi şəkildə pozmaq riski ilə yanaşı, Ermənistanın təhlükəsizliyini də təhdid altına salır. Hər şey göz qabağındadır”, -  Zaxarova qeyd edib.

Mürtəza
Ölkə.Az