Sülhün əldə olunmasında çatışmayan yeganə cəhət budur - Klaar

Ümid edirəm ki, Ermənistan və Azərbaycanın siyasi iradəsi və davamlı səyləri sayəsində düşmənçilik və zorakılıq səhifəsi, nəhayət, bütün region xalqlarının xeyrinə çevrilə bilər. 

Ölkə.Az xəbər verir ki, bunu Aİ-nin Cənubi Qafqaz üzrə xüsusi nümayəndəsi Toivo Klaar bildirib.  

“Bildiyim qədər, sülh müqaviləsi layihəsinin əksəriyyəti artıq razılaşdırılıb. Mənə elə gəlir ki, çatışmayan yeganə şey finişə çatmaq üçün lazım olan siyasi iradədir. Əminik ki, qalan məsələlər üzrə yekun razılaşma əldə olunub. Sülh müqaviləsi və onun sonrakı icrası regionda vəziyyəti kökündən dəyişəcək. Düşünürəm ki, liderlər də bu nöqteyi-nəzəri bölüşürlər və bu məsələdə yekun razılığın əldə olunması üçün lazım olan bütün səyləri göstərəcəklər”, - Klaar bildirib.

O, eyni zamanda vurğulayıb ki, bu yaxınlarda Britaniyada keçirilən Avropa Siyasi Birliyinin sammiti çərçivəsində Ermənistanın baş naziri Nikol Paşinyanla Azərbaycan prezidenti İlham Əliyevin görüşünün baş tutmaması bu prosesin nə qədər kövrək olduğunu göstərir.

Mürtəza
Ölkə.Az