Putin Bakıya gəlir
Rusiya Prezidenti Vladimir Putin Azərbaycana dövlət səfərinə gəlir.
Ölkə.az xəbər verir ki, bu barədə Kreml məlumat yayıb.
Rusiya liderinin səfəri 18-19 tarixlərində baş tutacaq.
Vladimir Putinin Azərbaycana səfərinin yekunları üzrə dövlət başçılarının birgə bəyanatının qəbul edilməsi, hökumətlərarası sənədlərin imzalanması planlaşdırılır.
Danışıqlar zamanı Rusiya-Azərbaycan strateji tərəfdaşlıq və müttəfiqlik münasibətlərinin daha da inkişaf etdirilməsi məsələləri, habelə aktual beynəlxalq və regional problemlər müzakirə olunacaq.
