XİN: Azərbaycan terrorla mübarizə sahəsində daima ön sıralardadır

Azərbaycan terrordan ciddi şəkildə əziyyət çəkən bir ölkə olaraq milli və beynəlxalq səviyyədə terrorla mübarizə sahəsində daima ön sıralardadır.

Ölkə.az xəbər verir ki, bu barədə Azərbaycan Xarici İşlər Nazirliyi "X" hesabında Terrorizm Qurbanlarının Xatirəsini Beynəlxalq Anma Günü ilə bağlı paylaşımında bildirib:

"Biz terrorizmin bütün forma və təzahürlərini qətiyyətlə rədd edirik və bu ciddi təhlükəyə qarşı güclü beynəlxalq fəaliyyətin tərəfdarıyıq".