Ən çox və ən az səs toplayan deputatlar - SİYAHI
MSK 1 sentyabr 2024-cü ildə VII çağırış Milli Məclisə keçirilən seçkilərin nəticələrini elan edib. Bu nəticələrdə deputatlığa namizədlərin hansı səs çoxluğu ilə seçilməsi dərc olunub. Burada ortaya çox maraqlı səhnə çıxıb. MSK-nın elan etdiyi nəticəyə əsasən ən yüksək nəticə ilə seçilən seçilən deputat Nəsimi icra Hakimiyyətinin sabiq başçısı Asif Əsgərov olub.
Ölkə.Az xəbər verir ki, 112 saylı Zaqatala Seçki Dairəsindən deputatlığa namizədliyini irəli sürən Asif Əsgərov seçicilərin 79, 7 faiz səsini alaraq ən yüksək göstərici ilə deputat mandatı əldə edib.
İkinci yerdə isə 42 saylı Sumqayıt Birinci Seçki Dairəsində qeydə alınıb. Deputatlığa namizəd Hüseynova Hicran Kamran qızı seçicilərin 76, 8 faiz səsini qazanaraq ikinci ən yüksək nəticə göstərməklə deputat seçilib.
Üçüncü ən yüksək göstəricini isə Binəqədi İkinci Seçki Dairəsindən deputatlığa namizəd Kəmallədin Qafarov göstərib. O seçicilərin 73.5 faiz səsini qazanmaqla deputat seşilib.
4-cü yerdə 25-ci Nizami İkinci Seçki Dairəsindən 73, 2 faiz səslə Baş nazirin müavini Əli Əhmədov, 5-ci yerdə 35 saylı Xərtai Üçüncü Seçki Dairəsindən Pərvanə Vəliyeva 72,5 faizlə deputat mandatı qazanıb.
Ən az səslə deputat mandatını Məktəbəqədər və Ümumi Təhsil Agentliyinin direktor müavini, 44 saylı Sumqayıt Üçüncü Seçki Dairəsindən namizədliyini irəli sürmüş Mehriban Vəliyava qazanıb. O seçicilərin 36,5 faiz səsini qazanmaqla deputat mandatı qazanıb.
27 saylı Sabunçu Seçki Dairəsindən deputatlığa namizədliyini irəli sürən AMİP sədri Arzuxan Əlizadə isə seçicilərin 43,5 faiz səsini qazanmaqla ikinci az səs alan namizəd kimi deputat mandatına sahib olub.
47 saylı Sumqayıt-Abşeron-Qaradağ Seçki Dairəsindən namizədliyini irəli sürən diplomat Zaur Şükürov isə seçicilərin 44,5 faiz səsini qazanmaqla üçüncü az səs alan namizəd kimi deputat mandatı qazanıb.
Mürtəza
Ölkə.Az