Kiyev Gürcüstandakı səfirliyinin rəhbərini geri çağırıb

Ukrayna Xarici İşlər Nazirliyinin rəhbəri Andrey Sibiqa Gürcüstandakı müvəqqəti işlər vəkilini geri çağırıb.

Ölkə.Az xəbər verir ki, bu barədə Ukrayna Xarici İşlər Nazirliyinin yeni naziri Andrey Sibiqa özü Facebook səhifəsində yazıb.

"Ukraynanın Gürcüstandakı müvəqqəti işlər vəkilini geri çağırmaq qərarına gəldim", - Sibiqa yazıb.

Sibiqa bunun səbəbini müharibə edən dövlətin diplomatiyasının reallıqlarını tam anlamaması ilə izah edib.

Ukrayna XİN rəhbəri onu da bildirib ki, bundan sonra nazirliyin yeni strukturu formalaşacaq və səfirliklərin ştat cədvəli də dəyişdiriləcək.

Qeyd edək ki, Ukraynanın Gürcüstandakı səfiriliyinə müvəqqəti işlər vəkili vəzifəsini Mixail Xarişin icra edirdi.

Mürtəza
Ölkə.Az