Paşinyan: Sülh sazişinə və diplomatik əlaqələr qurmağa hazırıq 

"Sülh sazişi layihəsinin 80 faizi razılaşdırılıb. İndiyə qədər mövcud olan nəticələrə əsasən 13 maddə və ön söz tam razılaşdırılıb. İki cümlədən ibarət daha 3 maddə qismən razılaşdırılıb. Bu maddələrdəki təkliflərdən biri razılaşdırılıb, digəri razılaşdırılmayıb".

Ölkə.Az xəbər verir ki, bunu Ermənistanın baş naziri Nikol Paşinyan bu gün, sentyabrın 10-da “İrəvan dialoqu” beynəlxalq konfransında çıxışı zamanı deyib.

Paşinyan əlavə edib ki, razılaşdırılmış müddəalar bütün beynəlxalq səviyyədə tanınmış və ya münasibətlərin qurulması üçün əsas, təməl daşı müddəaları əhatə edir: "Biz təklif edirik ki, hazırda razılaşdırılanları götürək və sənədi  imzalayaq. Bu əsas sənədimiz olsun və sonra digər məsələlər üzrə müzakirələr davam etdirilsin. Üstəlik, sülh müqaviləsinin razılaşdırılmış maddələrindən biri hər iki tərəfə birgə mexanizm vasitəsilə müzakirələri davam etdirməyə imkan verəcək mexanizm nəzərdə tutur. Sülh müqaviləsinin razılaşdırılmış hissəsində Ermənistanla Azərbaycan arasında diplomatik münasibətlərin qurulmasını nəzərdə tutan faktı demirəm. Biz bu təklifi açıq və rəsmi şəkildə vermişik. Mən yaxın gələcəkdə razılaşdırılmış sülh və münasibətlərin qurulması haqqında sazişin mətnini imzalamağa hazır olduğumu bildirirəm”.

Mürtəza
Ölkə.Az