Sülhün alternativi Ermənistanın məhvi deməkdir - AÇIQLAMA
İrəvanın sülh danışıqlarından yayınaraq vaxt qazanmaq cəhdi ilk növbədə Ermənistan dövlətinin təhlükəsizliyinə ciddi təhdid yaradır.
Bunu Ölkə.Az-a açıqlamasında deputat Kamran Bayramov deyib.
Kamran Bayramov bildirib ki, biz Ermənistan tərəfinin bölgədə dayanıqlı sülhə, sabitliyə və inkişafa xidmət edən sıx əməkdaşlıq istiqamətində real addımlaırn atılması əvəzinə, sülh danışıqları adı altında manipulyasiyanın şahidi olmaqdayıq: "Ermənistan tərəfi hər vasitə ilə danışıqlar masasında olan məsələləri təhrif etməklə prosesləri tamamilə başqa səmtə yönəltməyə çalışır. Ermənistan tərəfi sülh adı altında müxtəlif platformalardan istifadə etməklə ölkəmizə qarşı aqressiv böhtan xarakterli ritorikanı davam etdirməklə sülhə zərbə vurur. Bununla da sülhdə maraqlı olmadığını göstərir. İrəvan nəhayətində onu anlamalıdır ki, uzun illərdir bu cür manipulyasiyalardan, spekulyasiyalardan, imitasiyalardan, çirkin məqsədlərə xidmət edən oyunlardan uduzan və itirən tərəf özləri olub. Ermənistan nə qədər gec deyil 2020-ci ildən sonrakı dövrün acı dərslərindən nəticə çıxarsa yaxşı olar. Çünki Paşinyan və onun komandası sülh danışıqları altında həyata keçirdiyi manipulyanın acı nəticəslərini növbəti dəfə Ermənistan yaşamalı olacaq.
İrəvan onu da anlamalıdır ki, vaxt uzatmaqla qazan tərəf yox, uduzan tərəf olacaqlar. Vaxt uzandıqca Ermənistan bölgədə təcrid vəziyyətdə yaşamaqla heç nə qazanmayacaq, əksinə necə yaranmış fürsətlərdən məhrum olacaqlar. Necə ki, 30 illik işğal dövründə təcriddə qalaraq regional əməkdaşlıqdan kənarda qaldılarsa, bundan sonra qalacaqlar.
Digər mühüm məqam isə ondan ibarətdir ki, vaxt uzandıqca Ermənistan bölgədəki maraqli güclərin toqquşma məkanına çevriləcək. Bölgədə gərginliiyn yaranması isə ilk növbədə Ermənistanın təhlükəsizliyinə ciddi təhdid və problemlər yaradacaq. Əgər Ermənistan növbəti kataklizmlərdən, toqquşmalardan yaxa qurtarıb bir dövlət olaraq mövcudluqlarını və inkişaflarını təmin etmək istəyirsə, o zaman Azərbaycanın beynəlxalq hüquqa və tarixi ədalətə əsaslanan şərtlərinə əməl edərək sülh sazişini imzalamalıdır. Ermənistanın bundan başqa alternativi yoxdur. Alternativ növbəti faciələr və Ermənistanın məhvi deməkdir. Odur ki, Ermənistan yaxşıca düşünməlidir".
Mürtəza
Ölkə.az
