İrəvan sülh sazişindəki razılaşmadıqları bəndləri açıqladı 

Ermənistanın hakim “Vətəndaş Müqaviləsi” partiyasının fəal üzvləri ilə xarici işlər naziri Ararat Mirzoyanının keçirdiyi görüşdə  Azərbaycanla imzalanacaq  sülh müqaviləsinin razılaşdırılmamış müddəalar məsələsidə müzakirə edilib.

Ölkə.Az xəbər verir ki,  görüşdə  sülh sazişində  razılaşdırılmayan əsas bənd ərazi bütövlüyünün qarşılıqlı tanınması haqqında protokolun rəqəmlər şəklində olmaması hesab olunur. İrəvan tərəfi sazişdə   tərəflərin ərazi bütövlüyünün rəqəmlə göstərilməsini  istəyir. Yəni   tərəflər sənəddə Azərbaycan Ermənistanın 29 min 800 kvadrat kilometr, Azərbaycanın isə 86 min 600 kvadrat kilometr ərazisini  tanıdığını  və bu şərtlər daxilində bir-birinin ərazi bütövlüyünü tanıdıqlarını açıq şəkildə yazmalıdırlar.

Digər razılaşdırılmamış prinsiplərdən biri tərəflərin suveren yurisdiksiyasına əsaslanan regional kommunikasiyaların açılmasıdır. Bildirilib ki,  Azərbaycan məsələyə dəhliz məntiqi ilə baxdığından razılaşma əldə olunmayıb.

Növbəti məsələ sərhədlərin delimitasiya və demarkasiyası ilə bağlı olan məsələdir.
Ermənistan istəyir ki, müqavilədə delimitasiya prosesinin aparılacağı, yaxud Ermənistanın sərhədləri müəyyənləşəcək hüquqi sənəd dəqiq göstərilsin. Demarkasiya və delimitasiya ilə bağlı müddəa faktiki olaraq müqavilədən çıxarılsa da, əsasnamə imzalansa da, tərəflərin imzaladığı əsasnamədə heç bir xəritə təsbit olunmayıb. 

Mürtəza
Ölkə.Az