Mirzoyan: İrəvan bu şərtlərlə sülhü imzalamağa hazırdır 

İrəvan Bakı ilə sülh sazişində razılaşdırılmış mətni tezliklə imzalamağa hazırdır.

Ölkə.Az xəbər verir ki, bunu Ermənistanın xarici işlər naziri Ararat Mirzoyan Fransanın Avropa və Xarici İşlər naziri Stefan Sejournet ilə birgə mətbuat konfransında deyib.
Ermənistanın sülh gündəliyinə sadiqliyini deyən nazir bildirib ki, “biz mətnin tam razılaşdırıldığı son nəşrləri Bakıya  təhvil vermişik.

“Dövlətlərin ərazi bütövlüyünü qarşılıqlı olaraq tanıdığı Almatı Bəyannaməsi çərçivəsində  biz razılaşdırılmış mətni tezliklə imzalamağa hazırıq”, - Mirzoyan qeyd edib.
Fransanın Avropa və Xarici İşlər naziri Stefan Sejournet isə öz növbəsində deyib ki, Fransa İrəvanla Bakı arasında ərazi bütövlüyünə və suverenliyinə hörmətə əsaslanan və regiona sülh və sabitlik gətirəcək sülh müqaviləsinin tezliklə imzalanmasına yardım edir. 

“Cənubi Qafqaz sülh və əməkdaşlıq regionuna çevrilməlidir. Bu, ticarətin genişləndirilməsinə imkan yaradacaq və Ermənistanın çiçəklənməsinə səbəb olacaq", - o qeyd edib.

Mürtəza
Ölkə.Az