Nazir: Livanda müharibə başlasa, Tehran kənarda durmayacaq

İran "Hizbullah" hərəkatını dəstəkləyir və İsrail Livanda genişmiqyaslı müharibəyə başlayarsa, buna biganə yanaşıb  kənarda qalmayacaq.

Ölkə.Az xəbər verir ki, bunu İran xarici işlər naziri Abbas Əraqçi BMT Baş Assambleyasının sessiyasında çıxışı zamanı deyib.

“Biz həmişə "Hizbullah"ı dəstəklədiyimizi və onun Livanı və xalqını İsrailin hücumlarından müdafiə etmək haqqı olduğunu söyləmişik”, - iranlı nazir deyib.

Əraqçi əlavə edib ki, İsrail Livanda genişmiqyaslı müharibəyə başlayarsa, Tehran bundan kənarda qalmayacaq.

Yaxın Şərqdə vəziyyətin genişmiqyaslı fəlakət ərəfəsində olduğunu qeyd edən iranlı nazir BMT Təhlükəsizlik Şurasını atəşkəs rejiminə kömək etməyə və bölgədə sülhü bərpa etmək üçün müdaxilə etməyə çağırıb.

Mürtəza
Ölkə.Az