Babayan: Regionu müharibəyə sürükləyirik, Zəngəzur Ermənistanın inkişaf yoludur

“Azərbaycan öz inkişafını və biznesini logistikaya, yollara, tranzit ölkə roluna qoyub. Tranzit ölkə olan Gürcüstan da bunu edir. Biz nə edirik? Biz isə nə etmşik, butulkanın başını bağlamışıq, nə özümüz inkişaf edə bilirik, nə də başqasına imkan vermirik".

Ölkə.Az xəbər verir ki, bunu Samvel Babayan deyib.

Ermənistan tərəfinin bu məsələdə destruktiv mövqe sərgiləməsini tənqid edən Babayan deyib ki, bizdən dəhliz istəyirlər və bununla da qonşularımızı özümüzə qarşı qoyuruq. "Əgər Ermənistan tranzit ölkəyə çevrilirsə, o zaman biz də inkişaf edirik, qonşularımız da inkişaf edər. Amma biz başqa yol seçmişik və onu "sülh yolu" adlandırmışıq.

Azərbaycanın və Türkiyənin mənafeyinə, eləcə də öz maraqlarınıza zidd addımlar atsanız, necə sülh ola bilər?", - Samvel Babayan qeyd edib.

O əlavə edib ki, Azərbaycan Rusiyanın Kalininqradından nümunə götürərək sadələşdirilmiş prosedur variantı ətrafında danışıqlara hazır olduğunu bir neçə dəfə bəyan edib: “Ermənistan hakimiyyəti dərhal "sülh qovşağı"nı təklif etdi. Amma bu, baş tumayacaq. Bununla da siz (Ermənistan  nəzərdə tutulur-red) regionu müharibəyə sürükləyirsiniz".

Babayan sonda onu qeyd edib ki, Zəngəzur dəhlizi real nəqliyyat qovşağıdır. "Buradan Azərbaycan, Orta Asiya ölkələri, Rusiya, Türkiyə, Suriya və s. keçəcək. Bax bu, əsl yol ayrıcıdır. Bu, Ermənistan üçün inkişaf yoludur”, - o vurğulayıb.

Mürtəza
Ölkə.Az