Rəsmi Bakı Parisdəki terrorla bağlı araşdırmalara başladı

Azərbaycanın Xarici İşlər Nazirliyi (XİN) Fransada baş verən terror hadisəsi ilə bağlı araşdırmalara başlayıb.

Bu barədə Ölkə.Az-a Xarici İşlər Nazirliyinin mətbuat xidmətinin rəhbəri Hikmət Hacıyev bildirib.

XİN rəsmisi qeyd edib ki, Xarici İşlər Nazirliyinin təlimatı əsasında Azərbaycan Respublikasının Fransadakı səfirliyi Fransa Xarici İşlər Nazirliyi və digər dövlət orqanları ilə təmasda olaraq bu ölkədə törədilən terror aktları nəticəsində yaralananlar və xəsarət alanlar arasında Azərbaycan vətəndaşlarının olub-olmaması məsələsini araşdırır.

`Hazırda Fransada olan Azərbaycan vətəndaşlarına Fransada elan edilən fövqəladə rejimin tələblərinə riayət etmələrini israrla tövsiyə edirik`

Qeyd edək ki, Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

 Ölkə.Az