Azərbaycanın BRİCS-də iştirakı bölgədə yaratdığı reallığın tələbidir - Açıqlama
"Azərbaycanın son illər dünyada artan nüfuzu onun beynəlxalq təşkilatlarla əlaqələrində və onların fəaliyyətində fəal iştirakına gətirib çıxarıb. Artıq dünya dövlətləri Azərbaycanı etibarlı, mühüm tərəfdaş, sözü imzası qədər dəyərli olan ölkə kimi qəbul edirlər. Bu səbəbdən də Azərbaycan milli maraqları çərçivəsində həmin beynəlxalq və regional təşkilatlarla sıx əməkdaşlığı yürüdülən xarici siyasətin prioritetini təşkil edir. Bu səbəbdən də Azərbaycan bir sıra beynəlxalq qurumlarda, sadəcə, üzv dövlət kimi təmsil olunmur, eyni zamanda, bir çox qərarların qəbulunda və icrasında yaxından iştirak edir. BRİCS-də təmsilçilik və cənab Prezident İlham Əliyevin Kazanda keçirilən XVI BRICS Sammitində iştirakı da bu maraqlardan irəli gəlir".
Bunu Ölkə.Az-a açıqlamasında deputat Müşfiq Məmmədli deyib.
Deputat bildirib ki, Azərbaycan xarici siyasətinin ana xətti multilateralizm prinsipinə əsaslanaraq çoxtərəfli diplomatiya həyata keçirir və bunu təvşiq edir: "Ümumiyyətlə Azərbaycan müstəqilliyini bərpa etdikdən sonra sonra yürütdüyü xarici siyasət balanslaşdırılımış və multilateralizm prinsipinə əsaslanaraq yürüdülən çoxtərəfli diplomatiyaya əsaslanıb. Məhz bunun nəticəsidir ki, nüfuzlu beynəlxalq və regional təşkilatlar Azərbaycanla əməkdaşlığı strateji prioritet kimi müəyyənləşdiriblər. Çoxtərəfli diplomatiya eyni zamanda Azərbaycanın İkinci Qarabağ savaşından sonra bölgədə yaratdığı yeni reallıqların tələbidir. Bu reallıq isə Azərbaycanı Avrasiya coğrafiyasında və dünyanın müxtəlif bölgələrində olan ölkələri ilə sıx əməkdaşlığı şərtləndirir. Azərbaycanın yürütdüyü fəal çoxtərəfli diplomatiya öz bəhrəsini verir. Azərbaycanın Qoşulmama Hərəkatına sədrliyi bunun bariz nümunəsidir. Azərbaycanın bu təşkilat sədrliyi dövründə Qoşulmama Hərəkatı dünyanın ən aktiv və qlobal proseslərə çevirk reaksiya verən və daha da təşkilatlanıb nüfuzlu bir beynəlxalq təşkilata çevrildi. Uğurlu sədrliyimizdən sonra Azərbaycan bu təşkilatda hələ də aktiv və səmərəli fəaliyyət göstərir. Yürüdülən çoxtərfəli siyasətin növbəti addımı kimi, Azərbaycan hazırda COP29-a sədrlik edən ölkədir. Azərbaycan necə ki, Qoşulmama Hərəkatıına sədrliyi dövründə COVİD19-a qarşı beynəlxalq aləmin birgə mübarizəsini problemin həllinə yürütdüsə, indi də qlobal iqlim diplomatiyasını da aktiv şəkildə formalaşdırır. Bu məqsədlə Qlobal Cənub və Qlobal Şimal arasında bir vasitəçi kimi çıxış edir.
Azərbaycanın BRİCS-də iştirakı da qarşıya qoyulan hədəflərə nail olunmasında, həm COP 29-un uğurla nəticələnməsi, həm də Qlobal Cənub və Qlobal Şimal arasında dialoq aparılması mühüm rol oynayır. Azərbaycanın BRİCS-də aktiv iştirakı təkcə Azərbaycan üçün deyil, bütövlükdə region üçün faydalıdır. Azərbaycanın belə bir təşkilatda iştirakı Azərbaycanın beynəlxalq miqyasda rolunun və nüfuzunun artaraq möhkəmlənməsinə xidmət edəcək".
Mürtəza
Ölkə.Az