"O müəllimlər 4-5 saatını yolda keçirir, dərsə təsir edir"

Azərbaycanda mövcud olan problemlərdən biri də təhsil problemidir.

Ölkə.Az xəbər verir ki, bunu deputat Fazil Mustafa parlamentin bu gün keçirilən plenar iclasında çıxışı zamanı deyib.

Onun sözlərinə görə, müəllimlərin iş yerlərinin yaşadıqları yerlərdən çox uzaq olması, təhsil prosesinə öz mənfi təsirini göstərir: "Orta məktəblərdə 150 minə yaxın müəllim çalışır. Lakin onların yerləşdirilməsi çətindir". 

Deputat bildirib ki, müəllimin də qayğıları, sosial problemləri var və onun vaxtında həlli vacibdir: “Məsələn, Yasamalda yaşayan müəllim Pirşağıya, Kürdəxanıda yaşayan Qaradağa dərs deməyə gedir. Belə ki, bu kimi müəllimlər vaxtında məktəbə çatmaq üçün saatlarla yolda vaxt itirir. Bunu sistemləşdirmək nə qədər çətin ola bilər? Müəllimin də ailəsi, sosial problemi var. Bu, məktəbdə dərsin keyfiyyətinə də təsir edir. Günün 4-5 saatını yolda keçirən müəllim də çalışacaq ki, dərsini bitirsin. Şübhəsiz ki, tez evə getsin”.

Mürtəza
Ölkə.Az