Milli Məclis Mərkəzi Bankın yeni İH üzvlərini seçdi

Milli Məclisin bu gün keçirilən iclasında Azərbaycan Respublikası Mərkəzi Bankı İdarə Heyəti üzvlərinin vəzifəyə təyin edilməsi haqqında məsələni müzakirə edib.

Ölkə.Az xəbər verir ki, müzakirələrin yekunu olaraq deputatlar Toğrul Nəcəfəli oğlu Əliyevin, Gülər Azər qızı Paşayevanın, Əli İsmayıl oğlu Əhmədovun və Vüsal Cahangir oğlu Xəlilovun Azərbaycan Respublikası Mərkəzi Bankı İdarə Heyətinin üzvləri təyin edilməsi məsələsinə səs veriblər.

Deputatlar eyni zamanda Rəşad Temraz oğlu Orucovun Azərbaycan Respublikası Mərkəzi Bankı İdarə Heyətinin üzvü vəzifəsindən azad edilməsinə səs verib.

Namizədlərin peşəkarlıqlarından danışan Azər Əmiraslanov Mərkəzi Bankda yüksək vəzifə tutan bu şəxslərin idarə heyətinə daxil edilmələrinin qurumun funksionallığının artırılması baxımından əhəmiyyətini vurğulayıb.

Məsələ səsə qoyular qəbul edilib.

Mürtəza
Ölkə.Az