Türkiyənin Azərbaycandakı yeni səfiri kimdir? - Dosye

Türkiyənin Azərbaycana təyin etdiyi yeni səfri, politoloq, professor, tədqiqatçı yazar, QHT rəhbəri, “Maarif” Fondunun prezidenti Birol Akgün 25 mart 1968-ci ildə Manisanın Soma yaşayış məntəqəsində anadan olub.

Ölkə.Az xəbər verir ki, Akgün ibtidai, orta və lisey təhsilini yaşadığı rayonda başa vurduqdan sonra 1993-cü ildə Ankara Universitetinin Siyasi Elmlər Fakültəsinin Dövlət İdarəçiliyi bölməsini bitirib.

1994-cü ildə Milli Təhsil Nazirliyinin tapşırığı ilə rəsmi təqaüdlə magistr təhsili almaq üçün ABŞ-yə gedib. Orada Case Western Reserve Universitetində (Klivlend, Ohayo) Siyasi Elmlər üzrə magistr (1996) və PhD (2000) dərəcəsini alıb. 

Təhsilini başa vurub Vətənə qayıdan Akgün Səlcuq Universiteti İqtisadiyyat və İdarəetmə Fakültəsi Beynəlxalq Əlaqələr Depamentində işləməyə başlayıb. 

2001-ci ildə dosent köməkçisi, 2004-cü ildə dosent, 2009-cu ildə professor olub.

Prof. Akgün hazırda Yıldırım Beyazıt Universiteti Siyasi Elmlər Fakültəsinin Beynəlxalq Əlaqələr Departamentinin rəhbəri və Maarif Vəqfi İdarə Heyətinin sədridir.

Mürtəza
Ölkə.Az