Bundan itirən tərəf İrəvan yox, həm də Avropa olacaq - Açıqlama

"Bu gün Avropa strukturları və bəzi Avropa ölkələrinin Fransa, Ermənistan və erməni lobbisinin əlində Azərbaycana qarşı başlatıdğı hibrid savaşda bir alət rolunu oynadığına şahidlik etməkdəyik. Özlərini beynəlxalq hüququn, qanunun aliliyinin, demokratiyanın, ədalətin "çarçısı" hesab edən Avropa strukturları və ölkələri əsası olmayan absurd iddialarla  Azərbaycana qarşı qərəzli mövqe sərgiləməkdədirlər. İstər İsveç parlamentinin, istərsə Avropa Parlamentinin sonuncu qəbul etdikləri sənədlər dediklərimizin bariz nümunəsidir. Ümumiyyətlə, son illərdə Avropa Parlamenti Fransa, Ermənistan və erməni lobbisinin əlində oyuncaq qurum kimi sifarişlərinin icraçısı rolunda çıxış edərək Azərbaycan daxili işlərinə kobud müdaxiləsi hamıya bəllidir".

Bunu Ölkə.Az-a açıqlamasında deputat Kamran Bayramov deyib.

Deputat bildirib ki, Ermənistanın Azərbaycana qarşı işğalçılıq, soyqırım, terror siyasəti həyata keçirib, milyona yaxın soydaşımın ən elementar hüququ pozulduğu zaman susan Avropa təşkilatları və ölkələrinin bu gün özlərini ermənilərin müdafiəçisi rolunda çıxış etməsi insanlarda ciddi ikrah hissi oyadır: "Bu cür hərəkətləri ilə Avropa strukturları və ölkələri özlərini beynəlxalq aləmdə nüfuzdan salırlar. Artıq dünya ictimaiyyəti bu cür təşkilatları və ölkələri hansısa çirkin oyunları realalşdıran qüvvələrin əlində alət olduğunu bilir. İstər bəzi Avropa ölkələri olsun, istərsə də təşkilatlarının Azərbaycana qarşı bu cür qətnamələr qəbul etməsinin arxasında ölkəmizə qarşı soyuq müharibə aparan Fransa və erməni lobbisinin çirkin niyyətləri dayanır. 

Amma onlar unutmamalıdırlar ki, özləri bu çirkin oyunların qurbanına çevriləcəklər və necə də çevrilməkdədirlər.  Bunun üçün ikinci Qarabağ müharibəsindən sonrakı 4 ilə diqqət yetirmək kifayət edər. Azərbaycanın qələbəsini və uğurlarını həzm edə bilməyən bu qüvvələr davamlı olaraq ölkəmizə qarşı hibrid savaş açsalar da,   hər dəfəsində də məğlub tərəf özləri olub. Azərbaycanda artıq bunlara qarşı bir immunitet formalaşıb. Onlar əslində bu cür dırnaqarası fəaliyyətləri ilə Ermənistanı, erməni dövlətçiliyini və erməniləri daha pis çıxılmaz duruma salmış olurlar. 

Son olaraq onu qeyd etmək istərdim ki, Avropa Parlamentinin və ya hər hansı Avropa ölkəsinin Azərbaycanla bağlı qəbul etdiyi qətnamələr  kağız parçasından başqa bir şey deyil. Onlar  vaxtlaırnı bu cür mənasız  və ümumilikdə Avropanın maraqlarına zidd fəaliyyət yönəltməkdənsə, Azərbaycanla daha sıx və normal əməkdaşlıq etmək yolun seçsələrə daha yaxşı olar. Bundan isə bütün tərəflər udar. Əks təqdirdə isə bütövlükdə bundan itirən tərəf  Ermənistanla yanaşı, həm də Avropa özü olacaq". 

Mürtəza
Ölkə.Az